7 نصائح لاختيار الشركة المضمونة
الشركات العقارية بقت كتيير جداً والحيرة في اختيار الشركة بقت اكتر !
في ناس حظها بيكون كويس و بتعرف تختار شركة كويسة وملتزمة وفي ناس اكثر للاسف ممكن يختاروا غلط والشركة متلتزمش بالوعود اللي العميل اشترى عشانها.
في أطار مبادرة #الأهرام_العقارية #لنشر_الوعي_العقاري قررنا نوضح أهم 7 نصائح لازم تاخد بالك منهم وانت بتختار الشركة اللي هتتعامل معاها في القاهرة الجديدة ؟
- القدرة: لازم الشركة يكون عندها قدرة تنفذ الوعود اللي بتوعدك بيها وتضمن استمرارية الشركة ودي هتعرفها من خلال حجم الشركة (ان تكون شركة مساهمة مصرية و ان تكون خاضعة ومراقبة من الهيئة العامة للاستثمار -عدد المشروعات – عُمر الشركة في السوق – حجم الهيكل الاداري للشركة – من هم اصحاب الشركة وسمعتهم ايه في السوق العقاري – عدد عملائهم – حجم تواجدهم في السوشيال ميديا).
- المصداقية: وهي مدى حرص الشركة والتزامها بتنفيذ جميع بنود العقد والوعود اللي وعدت بيها العميل ودي هتعرفها من خلال (معاينة سابقة اعمال الشركة وجودة التنفيذ – الاطلاع على تقييمات العملاء السابقين – البحث في محركات البحث عن اسم الشركة هيوضح لو في اي مشاكل او شكاوي سابقة ).
- بدون مخالفات: الشركة الملتزمة تحرص على عدم كسر قواعد التراخيص واشتراطات البناء فتلتزم بعدد الوحدات المرخص بها في كل مشروع حسب اشتراطات البناء في كل منطقة وكل مساحة ارض.
- المالك والمنفذ: انتشر مؤخرا التسويق الحصري في الشركات ودا احيانا بيخلي الشركة متقدرش تلتزم مع العميل لانها بتكون بتسوق المشروع لصالح مستثمر وهو اللي بيتحكم في كل حاجة فالافضل ان تكون الشركة هي المالكة والمنفذة للمشروع وذلك بمطابقة اوراق الارض (محضر الاستلام او اخطار التخصيص و التوكيلات) مع اوراق تراخيص الشركة (عقد الشركة – البطاقة او السجل التجاري).
- العقد المتوازن والاجراءات القانونية: لازم العقد يكون بيأمنك كويس جدا لانك بتشتري حاجة استلامها في خلال سنتين او ثلاثة ولازم بردوا يكون متوازن بين حقوق العميل والتزامات الشركة المنفذة – كمان متنساش تاخد صورة من اوراق ارض المشروع وتستعلم عنها في الادارة العقارية في جهاز مدينة القاهرة الجديدة ومفيش مانع لو سألت على اسم الشركة بشكل ودي لان الموظفين بيبقوا عارفين اسماء الشركات الكبيرة والملتزمة اللي مبيجيش منها شكاوي.
- السعر الافضل وليس الارخص: السعر الارخص مش أهم عامل في اختيار شقتك ، فمتدورش دايما على ارخص سعر ولكن دور على الشركة اللي هتقدر تديك اعلى قيمة مقابل اللي هتدفعة بمعنى ان الرقم اللي بتدفعه بتاخد قدامه (التزام – جودة – ثقة- تميز).
- موظف المبيعات: لازم موظف المبيعات يكون "خبير و أمين " عشان لو توافر فيه الصفتين دول هيقدر يساعدك تختار انسب حاجة لاحتياجاتك وكمان تكون مناسبة لامكانياتك (يبيعلك اللي انت محتاجه مش اللي هو عايز يبيعه).يارب في المقالة دي نكون قدرنا نساعد العملاء على أهم النقط اللي لازم يركزوا عليها وهما بيختاروا الشركة .. تابعونا في مقالات تانية و بنرحب جداً بأي استفسار او استشارة عقارية او قانونية عقارية او اي عرض متقدملك ومحتاج تقييمه.
خط الاستشارات 01060706070
#مبادرة_الأهرام #لنشر_الوعي_العقاري #قدرة_تبني مصداقية .
كتبها : كريم عابدين (مدير القطاع التجاري- شركة الاهرام العقارية)
بتاريخ : 13-6-2019