ليه تشتري في التجمع الخامس ؟
أكيد بيت المستقبل حلم حياة كتير مننا، وكلنا بنحلم نعيش في مكان راقي وآمن، وقريب في نفس الوقت، وتكون الجيرة من مستوى اجتماعي محترم، وأمور كتير......، إحنا بقى في الأهرام العقارية هنقولك وهننصحك بالحجز فورا في عقارات التجمع الخامس هنقولك بقى ليه؟
أولا: التجمع الخامس أصبح من أرقى وأحدث المدن الحديثة في مصر، واكتسب شهرة كبيرة جدا بأنه مجتمع حديث وراقي.
ثانيًا: موقع التجمع الخامس موقع فريد غرب القاهرة يربط بين القاهرة والعاصمة الإدارية الجديدة وعلى بعد دقائق من الطريق الدائري وطريق السويس، وعشر دقائق لمدينة نصر، وكمان مازالت الطرق تمتد له كل يوم، كمان التجمع له أكثر من مدخل من الرحاب والدائري وطريق السخنة وطريق المقطم.....إلخ.
ثالثا بقى: التجمع الخامس كل سكانه من مستوى اجتماعي راقي جدا ويسكن به كبار الشخصيات في كل المجالات، والكثافة السكانية به قليلة جدا، بالإضافة لفصل الأماكن التجارية عن السكنية مما يوفر هدوء وراحة ونظام راقي.
رابعًا: الاشتراطات البنائية في التجمع صارمة جدا، يعني لن تجد أي حد بيبني على مزاجه أو هيضيق عليك في سكنك لا. الحي صاحي جدا وكل البنايات باشتراطات واضحة وارتفاعات منخفضة لتناسق شكل الأحياء.
خامسًا: التجمع الخامس أصبح يحتوي على أكبر المراكز التجارية في مصر زي كايرو فيستفال وداون تاون وكونكورد بلازا وميتنج بوينت وأمريكانا بلازا وغيرهم كتيييييير، كمان به أكبر النوادي بمصر زي وادي دجلة والقاهرة، وبلاتينوم والزهور ورويال وكمان النادي الأهلي، وكمان الجامعات المحلية والعالمية زي (AUC,GUC,CIC,,المستقبل....).
سادسًا: السكن في التجمع الخامس كارت أمان لك ولأسرتك واستثمار رائع ومضمون لأن زيادة أسعار العقارات به تجري بشكل سريع جدا، وكل يوم وهو استثمار أضمن وأفضل من الدولار والذهب، وهنقول لحضرتك حقائق بالأرقام مثلا سعر المتر في النرجس عام 2007 كان 1600 جنيه عام 2017 أصبح 9500 جنيه بمعدل زيادة 550% في سعر المتر أما بقى معدل زيادة الدولار فكانت في نفس الفترة من 2007 حتى 2017 300%. أما الذهب فكانت في نفس الفترة من 2007 حتى 2017 200%.
سابعا وأخيرًا: الدراسات بتقول أن معدل الزيادة في أسعار العقارات فى مصر خلال الثلاث سنوات القادمة سيكون الأعلى في (مصر، اليونان، بنما).